ئەمڕۆ سێشەممە ٤ـی١١ـی ٢٠٢٥ سەنتەری سەڵاحەدینی ئەیوبی بۆ توێژینەوە ولێکۆڵینەوە ئیسلامییەکان، بە هەماهەنگی لەگەڵ بەشە زانستییەکانی کۆلێژ، لە هۆڵی (کوێت) لە کۆلێژمان، بە ئامادەبوونی ڕاگری کۆلێژ (پ.د. جمیل علی سورچی) و یاریدەدەری ڕاگری کۆلێژ (پ.ی.د. جەودەت ئەنوەر هەمینی) و بەشێکی زۆر لە مامۆستایان وفەرمانبەران وقوتابییان، هەڵسا بە سازدانی پانێڵێک بەناونیشانی (ئینتیما و وابەستەبوون، مانا وجۆرەکانی لەڕوانگەی ئیسلامەوە) بە بەشداری هەریەک لە مامۆستایانی کۆلێژمان (د. هێژا احمد نجم الدین) بەڕێوەبەری پانێڵ و پانێڵیستان: (د. عبداللە سعید وەیسی) ناونیشانی سیمینار (الإنتماء الی الوطن من منظور إسلامي) ، (پ.ی.د. جعفر نجم الدین) ناونیشانی سیمینار (الإنتماء الی الاسرة من منظور إسلامي) و (پ.ی.د. احمد محمود سیدۆک) ناونیشانی سیمینار (الإنتماء الی اللغة والتراث).
لەسەرەتای پانێڵەکەدا چەند ئایەتێک لە قورئانی پیرۆز خوێنرایەوە، دواتر ڕاگری کۆلێژمان (پ.د. جمیل علی سورچی) وتەیەکی پێشکەشکرد و وێڕای بەخێرهاتنی ئامادەبووان، تیشکی خستە سەر بابەتەکە و باسی گرنگی ئینتیما کرد بۆ خاک ونیشتمان، هەروەها جەختی لە پێگەو ڕۆڵی مامۆستایانی ئایینی کردەوە لە ڕابردوو ولە ئێستاشدا لە بابەتی گرنگیدان بە خاک ونیشتمان و زمان وکلتور.
لە کۆتایی پانێڵەکەشدا ڕاگری کۆلێژ، سوپاس وپێزانینی پێشکەش بە بەڕێوەبەری پانێڵ و پانێڵیستەکان و لیژنەی نوێنەرایەتی قوتابییان کرد لەپای کاروچاڵاکییەکانیان، بەئامادەبوونی هەریەکە لە بەڕێزان (عمر شێروانی و هێرش شێخانی) کارگێڕانی لقی قەڵاتی قوتابییان ولاوان ئامادەبوون.
